jaisa hun jis haal mein hun achchha hun main
tum ne zinda samjha to zinda hun main

ek aawaz ke aate hi mar jaunga
ek aawaz ke sunne ko zinda hun main

khule hue darwaze dastak bhul chuke
indar aa jao pahchan chuka hun main

aur koi pahchan meri banti hi nahin
jaante hain sab log ki bas tera hun main

jaane kis ko raazi karna hai mujh ko
jaane kis ki khatir nach raha hun main

ab to ye bhi yaad nahin ki mohabbat mein
kab se tere pas hun aur kitna hun main