jate-jate gale ye gham pad jata hai achchha-khasa banda kam pad jata hai naz-o-ada se chalne wala kya jaane dil ki zamin pe naqsh-e-qadam pad jata hai sunte hain mazlum ki aah-o-zari se zalim ki taqdir mein kham pad jata hai chahe jitna bhi saman kiya jae kuchh na kuchh to phir bhi kam pad jata hai shamil ho jab tere lahje mein talkhi yun lagta hai shahd mein sam pad jata hai chalne lagti hai jab baat mohabbat ki bich mein koi ahl-e-sitam pad jata hai