jazba-e-shauq ko bedar karun ya na karun
tu bata de main tujhe pyar karun ya na karun

hasraton ko gul-o-gulzar karun ya na karun
tere jalwon ka main didar karun ya na karun

main jalaun na jalaun teri yaadon ke charagh
dil ki basti ko pur-anwar karun ya na karun

jis ki shiddat se tadapne mein maza aata hai
dil ko us dard se do-chaar karun ya na karun

mere dil tu hi bata soch samajh kar mujh ko
apni chahat ka main izhaar karun ya na karun