jhuti ana ke bojh ko sar se utar ke
ek bar dekhte to sahi tum pukar ke

ab tak hai meri sans mein khushbu basi hui
aankhon mein naqsh hain wahi lamhat pyar ke

hairat hai us ne kaise sabhi khat jala diye
likkhe hue the jis mein sabhi lafz pyar ke

jitna sikha diya hai akele hayat ne
ab muntazir nahin hain kisi gham-gusar ke

juzw-e-badan raha tha jo kal tak bichhad gaya
tanhaiyon ke zahr ko khun mein utar ke