jina agar zarurat hai
marna talkh haqiqat hai

sare sapne baghi hai
apni apni qismat hai

kitni ghazlen kahta hun
sab zakhmon ki shiddat hai

itni us ki tanhai
jitni jis mein himmat hai

khud se milne bhi aae
kis ko itni fursat hai

tanhai mein mere sath
diwaren hain ya chhat hai

shor machata phirta hai
ye dariya ki fitrat hai

pyar bhare is rishte ki
shesh nishani ek khat hai