koi rishta purana ho gaya hai
tumhein dekhe zamana ho gaya hai

tumhaari shab aate hi zehn mein
bura mausam suhana ho gaya hai

hawa ki be-hayai kya bataen
bahut mushkil zamana ho gaya hai

labon ko kholna bhi jurm thahra
musibat muskurana ho gaya hai

hamare shahar ka mahaul ek-dam
bigad kar qatilana ho gaya hai

ye kaise mod par le aai duniya
haqiqat ka fasana ho gaya hai