jis ka badan gulab tha wo yar bhi nahin ab ke baras bahaar ke aasar bhi nahin pedon pe ab bhi chhai hain thandi udasiyan imkan jashn-e-rang ka is bar bhi nahin dariya ke iltifat se itna hi bas hua tishna nahin hain hont to sarshaar bhi nahin rahon ke pech-o-kham bhi use dekhne ka shauq chalne ko tez dhup mein tayyar bhi nahin bichhde huon ki yaad nibhate hain jaan kar warna kisi ko bhulna dushwar bhi nahin jitna sitam-shiar hai ye dil ye apna dil utne sitam-shiar to aghyar bhi nahin ahl-e-hunar ke bab mein us ka bhi zikr ho 'fikri' ko aisi baat pe israr bhi nahin