jis ki jaanib tu ek nazar dekhe khwab tere wo umr bhar dekhe chain paya kahin na is dil ne ghum kar hum ne sau nagar dekhe dagh mana hain mere daman par apna chehra bhi wo magar dekhe zahr dete rahe marizon ko hum ne aise bhi chaaragar dekhe lutf chahe jo koi jine ka us ki mahfil mein baith kar dekhe wo hi din bhar raha khayalon mein khwab the jis ke raat bhar dekhe husn bikhra hai chaar-su un ka chashm-e-'hatif' kidhar kidhar dekhe