jis rahguzar se guzre wahi khar-dar thi ye zindagi sukun ka ek intizar thi hain ab jahan uruj pe nafrat ki aandhiyan is shahr ki faza bhi kabhi sazgar thi gar mere lautne ka tujhe kuchh gila na tha kyun rokti nigah teri bar bar thi palte hain jaan jo shahr-e-wafa se bacha ke hum kuchh sath apne rahmat-e-parwardigar thi kis tarah karta yaad ko sochon se tu juda 'farrukh' teri to fikr bhi be-ikhtiyar thi