jis tarah bahr ek qatre qatre mein hai
ek kahani chhupi nuqte nuqte mein hai

jab se hathon mein main ne uthaya qalam
tazkira bas tera panne panne mein hai

ye milan ki ghadi yun hui mukhtasar
simti jaise sadi lamhe lamhe mein hai

jab se hamraaz tujh ko hai main ne kiya
aam qissa mera kuche kuche mein hai

khidkiyan to kai un makanon mein hai
phir ghutan kyun yahan kone kone mein hai

kyon talab ho tujhe ek ghar ki 'hina'
aashiyan jab tera zarre zarre mein hai