jis waqt us ki chashm se hum chaar ho chale
goya ki do-jahan se khabar-dar ho chale

aaram-o-sabr-o-tab-o-tawan hosh kya qarar
iti mataa de ke tujhe khwar ho chale

kuchh qadr jaan-o-dil ko agar ho to le wale
kahne ko hum bhi us ke kharidar ho chale

go jal ke khak ho gae ya khush rahe to kya
aae the is jahan mein be-yar ho chale

malum ye hua ki gharaz dil se thi jo ab
le dil ko wuhin yar se aghyar ho chale

aamad mein jo maza hai so aawurd mein nahin
kahne ko hum bhi sahib-e-ashaar ho chale

aanjhu nahin mizha pe 'ali' ye ba-qaul-e-tarz
the dil ke aable so numudar ho chale