jo badh ke din mein gharibon ke kaam karta hai
suna hai raat wahi qatl-e-am karta hai

faqir-e-shahr mein kya baat hai khuda jaane
amir-e-shahr bada ehtiram karta hai

zaif bap se jo baat tak nahin karta
amir-e-shahr ko jhuk kar salam karta hai

khamoshiyon ka ye sang-e-giran bhi bolega
abhi to mal abhi zar kalam karta hai

'shoaib' nar-e-jahannam ka khauf kya ho use
jo zikr-e-hazrat-e-khair-ul-anam karta hai