jo ghair ke jazbaat ki tazim karega
wo apni khataon ko bhi taslim karega

main us ko milungi bhi to tukdon mein milungi
taslim se pahle mujhe taqsim karega

haq baat bhi baatil si lage shirin zaban mein
wo lahje ko is waste ab nim karega

wo kaam jahan bhar ki dawaen na karengi
jo kaam mohabbat ka faqat mim karega

be-kar mein hum mangte rahte hain duaen
kyon apne hi likkhe mein wo tarmim karega