jo kah na paun wo kaghaz pe dhaal deta hun
ghubar dil ke main yun bhi nikal deta hun

gham-e-hayat se jab be-qarar hota hun
tasalliyan mere dil ko kamal deta hun

kamal-e-zabt se apne kabhi iradon se
musibaton ko main hairat mein dal deta hun

khayal-o-khwab ka mumkin nahin jahan jaana
main apne aap ko aisa sawal deta hun

aqidaton se nahin 'auj' khud amal kar ke
main apni qabr ke goshe ujal deta hun