jo kal hairan the un ko pareshan kar ke chhodunga
main ab aaina-e-hasti ko hairan kar ke chhodunga

dikha dunga tamasha di agar fursat zamane ne
tamasha-e-farawan ko farawan kar ke chhodunga

kiya tha ishq ne taraj jis sehn-e-gulistan ko
main ab us par mohabbat ko nigahban kar ke chhodunga

ayan hai jo har ek zarre mein har khurshid mein 'ajmal'
main us parda-nashin ko ab numayan kar ke chhodunga