judai ke sitam dhane se pahle
palat aao bikhar jaane se pahle

khushi thi rang the ranaiyan thin
tumhaare shahr mein aane se pahle

abhi bhi waqt hai tum laut aao
mere dil se utar jaane se pahle

hamein rangon ki yun pahchan kab thi
tumhaare ru-ba-ru aane se pahle

mujhe bhi zoam tha ghazlon pe apni
teri aankhon mein kho jaane se pahle

kahan the kya the shayad kuchh nahin the
teri nazron mein hum aane se pahle