jumbish-e-dil nahin beja tu kidhar bhula hai
koi ladka ise gahwara samajh jhula hai

khun tu ne jo bahaya hai siyah-bakhton ka
tere kuche mein ajab sham o shafaq phula hai

khub rindon ne udae hain maze duniya ke
hiz ko bakr hai mardon ki wo madkhula hai

behtar hai ishq-e-majazi tujhe bekari se
jab talak ishq-e-haqiqi ho ye mashghula hai

pa-e-himmat to mera lang nahin hai 'hatim'
go mere kaam ke tain dast-e-falak lula hai