kaam aaegi teri khoj mein zulmat aisi kis ko malum tha ban jaegi surat aisi be-sabab pad gae hain jaan ke lale ab ke be-zarurat hi nikal aai zarurat aisi jaane ho ret ke sahraon ka kaisa aalam jab hai is gulshan-e-sarsabz mein wahshat aisi sans leta tha to diwar giri jati thi raat kuchh khwab mein dekhi thi imarat aisi dil ke virane mein kyun hashr bapa hai 'rahat' roz hoti hai zamane mein qayamat aisi