kab khala mein suraj ki dhaye se sham hoti hai bad-dua si bad-surat shai se sham hoti hai aaftab jab thak ke hauz se nikalta hai tab sarab-zadon ki nai se sham hoti hai ghonsle bulate hain panchhiyon ko pedon mein jab faza mein chilon ki qai se sham hoti hai kaun dekh pata hai raat ki siyahkari din ko hosh aata hai mai se sham hoti hai raushni ki sadkon par khauf gungunata hai sar se raat aati hai lai se sham hoti hai main pakad ke rakhta hun tirgi ko aankhon mein kuchh samajh nahin aata kaise sham hoti hai mere asr ka suraj baad-e-asr ugta hai phir syahi ke haq mein jaise sham hoti hai gate khatkhatata hun jab bhi der se 'aswad' us ko raat lagti hai waise sham hoti hai