kab khun mein bhara daman-e-qatil nahin malum kis waqt ye dil ho gaya bismil nahin malum us qafile mein jate hain mahmil to hazaron par jis mein ki laila hai wo mahmil nahin malum darpesh hai jun ashk safar hum ko tari ka din raat chale jate hain manzil nahin malum hairan hain hum us ke muamma-e-dahan mein kyun-kar khule ye uqda-e-mushkil nahin malum ai 'mushafi' jal-bhun ke hua khak mein sara dikhlawegi ab kya tapish-e-dil nahin malum