kabhi charagh-e-sahar ko bhi hum bujhate nahin
ki jis se kaam liya ho use bhulate nahin

ye baat hum ko samajhne mein der ho gai thi
ki sirf baat pe hi rishton ko nibhate nahin

shurua se hi takalluf hai un se rishta mein
salam karte hain par hath to milate nahin

bas itni baat pe rutha hua hai yar mera
main ruthta bhi hun to tum mujhe manate nahin

'zubair' zabt tumhaara kamal ka hai yar
tamam zakhm ho khate magar batate nahin