kabhi hai rang-e-haqiqat kabhi hai afsana ye ek sarab hai duniya ki aaina-khana hudud-e-ishq mein ye kaun sa maqam aaya khud apni aag mein jalne laga hai parwana ajib baat hai duniya ki wah ri duniya jise bhi apna kaha ban gaya wo begana wo dusron ki haqiqat se aashna kyon ho jo apni zat se khud hi raha ho begana samajh sake na jise hosh-mand bhi aksar wo baat kah gaya diwangi mein diwana