kabhi sukun to kabhi iztirab bhi jhela khuli jo aankh to anjam-e-khwab bhi jhela qadam qadam pe purane sabaq bhi yaad aae qadam qadam pe badalta nisab bhi jhela bayaz-e-dil ke sunahre huruf bhi chume kitab-e-jaan pe likha intisab bhi jhela hamara haq bhi musallam tha qatre qatre par hamin ne tishna-labi ka azab bhi jhela kabhi jo aaina-khane ki sair ko nikle to ek manzar-e-khud ehtisab bhi jhela chale to sare zamane ko sath le ke chale ruke to aalam-e-khud-ijtinab bhi jhela na jaane kis ki rahi justuju 'ziya' hum ko ki hum ne ek dil-e-khana-kharab bhi jhela