kabhi to aate wo baala-e-baam kah dena kabhi to hum se bhi karte kalam kah dena zamana-sazon se allah bas bachae mujhe ghazab hua mera itna kalam kah dena ye koi baat hai hans hans ke tanz se zalim jo munh mein aae mujhe be-lagam kah dena maza to jab hai ki chupke se bhi na pi waiz hamein bhi aata hai jhat se haram kah dena lagae aas hun kab se main nama-bar ke liye mile jo rah mein mera salam kah dena saba karam ho ye 'diwan' par khuda ke liye na kuchh sahi to faqat ek salam kah dena