kah chuke haal raaz baqi hai naz uthae niyaz baqi hai manzil-e-ishq tai hui phir bhi rah-e-dur-o-daraaz baqi hai tu ne naghme bhi dil se chhin liye tar tute hain saz baqi hai sajdon se bandagi nahin hoti sar jhuka hai namaz baqi hai dil to tiron se ho gaya chhalni aur abhi mashq-e-naz baqi hai sohbat-e-shab to ho gai aakhir ek gham-e-jaan gudaz baqi hai tark-e-ulfat ke bawajud 'habib' dil mein ek fitna-saz baqi hai