kahan kahan se guzar raha hun
main aandhiyon mein bikhar raha hun

kisi bhi surat na chain paun
ye kis tajassus mein mar raha hun

main surkhiyon mein kahan se hota
main hashiye ki khabar raha hun

sabhon ko jaana hai par lekin
main par jaane se dar raha hun

na meri manzil na koi jada
azal se gard-e-safar raha hun

mujhe to marna tha gham mein 'fikri'
main gham mein jal kar nikhar raha hun