kahan milega wo mujh se agar yahan bhi rahe meri dua hai ki wo khush rahe jahan bhi rahe dil-e-kharab ye khwahish teri ajab hai ki wo sitam bhi kam na kare aur mehrban bhi rahe abhi zamin pe jannat nahin bani yaro jahan ke qisse sunate ho hum wahan bhi rahe raha hamesha hi saman mukhtasar apna musafiron ki tarah hum rahe jahan bhi rahe jo sath chalne ke bhi mustahiq na the 'basir' kuchh aise log yahan mir-e-karwan bhi rahe