kahin sanehe milenge kahin hadisa milega
tere shahr ki faza se mujhe aur kya milega

koi sang todne hai sar-e-rah-e-zindagani
main har ek se puchhta hun kahin aaina malega

teri jaan bakhsh dena meri maslahat ka juz hai
mere qatilon se ek din tera silsila milega

mere qatl ki haqiqat na chhupa sakega koi
mere qatilon ke ghar mein mera khat jala milega

main bhanwar mein jab phansa tha ye sada di us ne 'amabar'
teri naw hai bhanwar mein tujhe na-khuda malega