'kaif' be-samt rawan baat buri lagti hai
hum to tokenge jahan baat buri lagti hai

pyar karne ka saliqa jise aa jata hai
wo samajhta hai kahan baat buri lagti hai

jis jagah kaam ishaaron se nikala jae
ai mere dost wahan baat buri lagti hai

jis pe malik ki inayat ho agar bin mange
wo kare shikwa yahan baat buri lagti hai

jab se laute hain khala-baz khala se ho kar
kya mila un ko wahan baat buri lagti hai