kamal-e-jiddat-e-insan dikhai deta hai
jise bhi dekhiye uryan dikhai deta hai

ye dekhta hun ki sadkon pe bhid hai lekin
kabhi kabhi koi insan dikhai deta hai

abhi kuchh aur andhera kuchh aur sannata
abhi to ai shab-e-hijran dikhai deta hai

bahisht ko na chala jae mai-kade le jao
kuchh aaj shaikh pareshan dikhai deta hai

mujhe sadak se uthao na ai police walo
yahan se kucha-e-jaanan dikhai deta hai