kat gae hum to habibon se ijazat le kar
hum se milta hai raqibon se ijazat le kar

nahin chaara to hai tahzib isi mein ai jaan
aaj mar jaen tabibon se ijazat le kar

hum to marte rahe shamshad qadon par aksar
kya jien aaj salibon se ijazat le kar

tum ne puchha to inayat hai tumhaari warna
kaun jata hai gharibon se ijazat le kar

zindagi kyun hai tu ab mil ke pasheman hum se
tum ko aana tha nasibon se ijazat le kar