kaun hai apna ham-qadam kahiye kis se haalat ke sitam kahiye kis qadar mukhtasar hai subh-e-nashat kitni lambi hai sham-e-gham kahiye aa gai aur pukhtagi hum mein sitam-e-dost ko karam kahiye kaun gham-khwar hai zamane mein kis se bechaargi ka gham kahiye log karne lage hain farmaish khar-zaron ko bhi iram kahiye main ne kholi nahin zaban apni rah gaya aap ka bharam kahiye ye hai farman-e-waqt ai 'maqbul' kam-sawadon ko mohtaram kahiye