kisi ne kah di koi baat haq malum hota hai tabhi chehre ka tere rang faq malum hota hai sahifa zindagani ka bahut aasan nazar aaya magar jab padhne baithun to adaq malum hota hai jahan ke daftar-e-gham ki haqiqat hi hai kya wo to hamare dard-e-dil ka ek ramaq malum hota hai haqiqat mein lahu hai wo shahidan-e-mohabbat ka kanar-e-charkh jo rang-e-shafaq malum hota hai nami hai aansuon ki khun-chakan alfaz hain sare ye meri hi kahani ka waraq malum hota hai