kaun kis ka raqib hai jaanan apna apna nasib hai jaanan is zamane se rasm-o-rah na rakh ye zamana ajib hai jaanan shahr-e-zulmat mein din ka suraj bhi raat usi ka nasib hai jaanan zindagi se mufahamat kya ho zindagi kuchh ajib hai jaanan shadmani se bahra-war ho len gham ki saat qarib hai jaanan kuchh inayat idhar bhi ho jae dil ye muflis gharib hai jaanan kaun dastak ye de raha hai 'nasim' koi shair adib hai jaanan