kaun sune ai paikar-e-naz meri dard-bhari aawaz aaj tabiat hai na-saz chhed mere zakhmon ka saz sath na aaya saya tak kis ko kahen apna hum raaz dard musibat ranj malal khub hai ulfat ka aaghaz lahr uthi thi man mein ek chhed gai sapnon ka saz un ke rukh-e-pakiza par chandni shab ne padhi namaz teri mohabbat ki khatir hum ne uthae maut ke naz pyar bhare har lamhe ne khol diye sadiyon ke raaz donon jaan hain mahfil ki mere naghme tere saz 'raj’ gagan se unchi hai tere sheron ki parwaz