khak hoti hui tamir se dar jate hain hum badalti hui taswir se dar jate hain raat ko chain se sote hain magar waqt-e-sahar khwab ke wada-e-tabir se dar jate hain wo siyahi se likhi hoti hai khun se to nahin phir bhi kyun aap ki tahrir se dar jate hain dhundte phirte hain sadkon pe ujale lekin ghar mein aati hui tanwir se dar jate hain aap to nahr kinare pe kiye hain qabza aap kyun pyas ke ek tir se dar jate hain raqs karte hue mahlon ki fasilon pe charagh aap ki di hui tauqir se dar jate hain