khamoshi ungliyan chatkha rahi hai
teri aawaz ab tak aa rahi hai

dil-e-wahshi liye jata hai lekin
hawa zanjir si pahna rahi hai

tere shahr-e-tarab ki raunaqon mein
tabiat aur bhi ghabra rahi hai

karam ai sarsar-e-alam-e-dauran
dilon ki aag bujhti ja rahi hai

kade koson ke sannate hain lekin
teri aawaz ab tak aa rahi hai

tanab-e-khema-e-gul tham 'nasir'
koi aandhi ufuq se aa rahi hai