khamushi bais-e-ruswai nahin hoti hai mustaqil bolna danai nahin hoti hai har jagah dil ke phaphule nahin phoda karte har jagah zakhm pe turpai nahin hoti hai hum gharibon ke niwalon pe asar padta hai har kisi ke liye mahngai nahin hoti hai waqt aane pe badal jate hain rishte kitne ek man hai ki jo harjai nahin hoti hai is liye rah gae ahbab se pichhe 'ashraf' hum se ye qafiya-paimai nahin hoti hai