khidki se zara jhank le ek bar mere yar
hai kaun tere dar pe talabgar mere yar

ek git sar-e-sham lata-ji ki sharan mein
aur us pe tere panw ki jhankar mere yar

honthon se gawara nahin aankhon se laga le
hai zehni kashakash mein tera yar mere yar

ek sham zara bhar kisi darwesh ki jholi
ye bhi hain teri zulf ke haqdar mere yar

mumkin nahin ban jaun kisi dar ka sawali
rahta hai najaf mein mera sardar mere yar

sab lash meri qabr mein rakhne pe tule hain
bas ek sada thi ki mere yar mere yar

milti na ho roti jise do waqt ki 'sajid'
wo kaise kare ishq ki guftar mere yar