khidkiyan khali karen ye baam-o-dar khali karen in hawaon se kaho ab mera ghar khali karen ehtiyatan ye munasib hai ki is basti ko log zalzala aa jae is se peshtar khali karen phir wo shakhen bhi na hongi aisi rut aane ko hai ab ye lazim hai parindon ko shajar khali karen phir na ho jae kahin pamal taqdis-e-hunar chahiye bas jald hi taq-e-hunar khali karen rah-giron se hawaen kah rahi hain der se jald jitna ho sake ye rahguzar khali karen