khoton ko bhi khara batana padta hai duniya ka dastur nibhana padta hai asar waqt ka chehre pe dikhlane ko aaine ko aage aana padta hai apni aankhen maren na bhuki is khatir kuchh chehron ko roz kamana padta hai jism-nagar ke par jo kachchi basti hai is ke aage mera thikana padta hai main mera main ne mujh se ki changul se khud ko aksar khinch ke lana padta hai ek chehre ko chhune ki khatir 'fani' yaadon ka ambar lagana padta hai