khubi ka teri bas-ki ek aalam gawah hai apni baghair dekhe hi haalat tabah hai aalam suna jo naz ka hai us se al-aman andaz-e-guftugu se khuda ki panah hai tewri ke dhab hain aur nigah ke hazar dol chitwan ke lakh rang gharaz wah wah hai nakhun ye dil hilal hai abru ke rashk se mukhde ka dagh rakhta kaleje pe mah hai khun-rez teri chashm ko batlate hain wale chitwan mein sath kahte hain phir uzr-khwah hai khubi ka tere baalon ki mazkur hai jahan sumbul ka nam is jagah ek ru-siyah hai deta hai teri qamat-e-dil-ju ka jo pata be-sakhta wo khinchta ek dil se aah hai go 'lutf'-e-khufta-bakht ke aao na khwab mein lekin tere khayal ko nit dil mein rah hai