khud apne aap pe aise ata hua hun main
sadi ke sab se bade jurm ki saza hun main

lahuluhan hai chehra wajud chhalni hai
sadi jo bit gai us ka aaina hun main

ajib aalam-e-ah-o-buka hai mera wajud
tadapte chikhte lamhon ka marsiya hun main

ajib sa mere sine mein ek talatum hai
ki mauj mauj samundar bana hua hun main

kabhi to waqt ki sarhad ke par utrunga
ki bund bund samundar ko pi raha hun main

'shafiq' ab koi ehsas kya jhinjhodega
nigah se girte hi patthar ka ho gaya hun main