khud apne wajud apni hi hasti mein nahin hun
main aap meri zat ki mitti mein nahin hun

jo chaak pe rakkha hai wo mitti ka badan hai
main ruh-e-abad hun kisi chakki mein nahin hun

duniyawi jhamele se kahin dur bahut dur
main hun bhi to is jism ki basti mein nahin hun

mat map dariche se tu is charkh ki wusat
duniya main teri tang-nigahi mein nahin hun

koi na mujhe harf ke sanchon mein talashe
lafzon se nadarad hun maani mein nahin hun