khud apni chaal se na-ashna rahe hai koi
khirad ke shahr mein yun lapata rahe hai koi

chala to tut gaya phail hi gaya goya
pahad ban ke kahan tak khada rahe hai koi

na harf-e-nafi na chaak-e-sabaat-e-darman hai
har ek fareb ke andar chhupa rahe hai koi

khadi hain chaaron taraf apni be-gunah sansen
sada-e-dard ke andar ghira rahe hai koi

gurez aankhen liye ja rahe ho kamre mein
junun ki ruh se kab tak bacha rahe hai koi

qadam hai jazb ki sahra hai rahguzar, qatre
huruf-e-dil ki tarah dalta rahe hai koi

jo khushbuon ke thapede badan se takraen
to 'aslam' aise mein kab tak khada rahe hai koi