khud se rahta hai ikhtilaf mujhe main bhi karta nahin muaf mujhe tum mere samne nahin aana kah diya main ne saf saf mujhe ye sarapa ye khal-o-khad tere kar rahe hain mere khilaf mujhe lams bhi chahta hun hiddat bhi dijiye jism ka lihaf mujhe tum faqat jism dhanp sakte ho chahiye ruh ka ghilaf mujhe kyunki izhaar-e-shauq kar baitha das raha hai wo e'tiraf mujhe ek duniya hai naf ke upar ek duniya hai zer-e-naf mujhe