khudi ke nam pe ek jashn be-khudi kar lo andheri raat mein kuchh aur raushni kar lo ye dushmani to mere ehtiram mein gum hai mere raqib koi mujh se dosti kar lo kahan talak ye bahaaron ki sarmadi daulat bahut tamam hui ab to zindagi kar lo ye shor badhta raha gar to be-qusur hun main tujhe khabar to mile koi khamushi kar lo main apne sare hi aibon se aap waqif hun mere khayal pe tum koi bhi hansi kar lo main hote hote kahan dar tak chali aai kisi ne mujh se kaha tha ki aashiqi kar lo