khun ke chhinte sar-e-sahn-e-gulistan dekhe main ne aise bhi kai jashn-e-bahaaran dekhe mujh ko har dard-e-masiha ki khabar hai lekin kis ko fursat hai mera haal-e-pareshan dekhe bebasi main tujhe kis nam se tabir karun aashiyan jalte rahe aur nigahban dekhe aap ne jalte makanon ki kahani hi suni meri aankhon ne to jalte hue insan dekhe khud ko tufan se mahfuz samajhne walo main ne sahil se bhi uthte hue tufan dekhe khak hoga use andaza-e-tufan 'anwar' rah ke sahil pe jo maujon ko pareshan dekhe