khushi khushbu khuda ki ro rahi hai
qaza kis ki kahani ho rahi hai

hamare shahr ki taswir hai ye
qayamat baal khole so rahi hai

lahu ka nam sunte hi safedi
hatheli be-irada dho rahi hai

wo mera ashk ya teri hansi ho
kashish har shai barabar kho rahi hai

na jaane kis khata par apni basti
janaze par janaza dho rahi hai

kahi jati nahin 'khurshid-akbar'
ghazal mein apni kawish jo rahi hai