khwahishon ko gale ka haar na kar
maut se khud ko ham-kanar na kar

mujh se sarzad hua hai jurm-e-ana
dar par khinch sangsar na kar

jo bhi karna hai kar guzar ek bar
tu mujhe qatl qist-war na kar

dushmani mein bhi rakh kuchh apni shan
war kar lekin ochhe war na kar

tu jise zindagi samajhta hai
khwab hai khwab eatibar na kar

nai rahen talash ai 'rahbar'
rawish-e-am ikhtiyar na kar